الاسم : كيرلس جمال حلمي الشهره كيرو
مؤلف وشاعر وممثل
بحب الكتابه جدا وبكتب من زمان كنت بكتب اسكتشات لحد من سنتين بدات اشتغل مسرح واول شغل ليا كان تمثيل كان مع المخرج مينا اوميل ودي كانت اول خطوه في اتجاه الحاجه اللي بحبها
وكان اول مسرحيه اشتغل فيها تمثيل كانت انسان سابق وكان دور صغير بس فرق معايا جدا
وكانت تاني خطوه ليا وكانت مهمه جدا كان مسرحيه واحد شاي ( عندها) ودا اول مسرحيه اكتبها
والخطوه التالته اني اطلع بعض القصائد اللي كتبتها لنور بس الموضوع ما كانش سهل تعرضت لاحباط من ناس كتير على الرغم ان كان حلمي ان انا اوصل الحاجه اللي انا بحبها للناس الا ان في ناس احبطتني بكلامها وقالت انك بتحلم بسراب الناس ما بتهتمش بالكلام ده بس كان الموضوع عندي فارق لان انا كان فارق اللي انا بعمله وبدات ان انا انشر القصائد على صفحات التواصل الاجتماعي حد بعد كده اقترح عليا ان انا اسجلها القائي لانه كان عاجبه الالقاء بتاعي وفعلا بدات ان اسجل ومن ابرز القصائد هي
( قصيدة سلم علي الغائب )(قصيدة كان لازم انساكي )
( قصيدة الوحده )(قصيدة اخر سلام )(قصيدة مسرح الحياه)(قصيدة اول سنه )(قصيدة مش كل اللي بنختارو بيبقا لينا)(قصيدة النجمه اللي في الكواليس )(قصيدة قهوه ساده)(قصيدة سر الاكتئاب )(قصيدة الحلم اللي جواك)(قصيدة كان ليه )(قصيدة بحبك)(قصيدة حبك مات) ( قصيدة خايف احبك)
تمثيل: مثل مسرحيه انسان سابق على مسرح الجيوشي ٥/٢٠٢٢ مع المخرج مينا اميل وفريق 7 ارتيم
ومثلت في مسرحيه بلاوينا ١٠/٢٠٢٢
وكانت اول بطوله ممثل على خشبه المسرح كانت مسرحيه واحد شاي ( عندها ) كانت على مسرح الانبا انطونيوس شبرا ٢٤/٢/٢٠٢٣ و ٣/٣/٢٠
وحاليا شغال على عرض يا فرحه ما تمت مع المخرج مينا اوميل وفريق 7 ارتيم وان شاء الله هيتعرض في اجازه عيد الاضحى اللي جاي
واشتغلت مايم : ابرزهم….. البعبع …. المواهب….. عوده الروح……. حدوته مصريه…..الرحله
والتاليف: كان اول حاجه اتنفذت على ارض الواقع كانت مسرحيه واحد شاي (عندها) واللي حققت نجاح كبير وحاليا بنهي من كتابت ( عندها 2)
وشغال كمان في اول روايه ليا ( وادي مليكه)
مالك يا عم قاعد حزين وشايل الهم شايف الدنيا بتسود في عينيك شايف تملي الجرح ومش عارف تشوف الفرح شايف الدنيا من خرم ابره صدقني الدنيا هتعلمك وهتديك في دروس انت مش في كابوس كل ده عادي بيمر اقول لك حكمه اتعلمتها زمان فهمتها مع الوقت والايام ….
انا كنت زمان كل ما بمشي خطوه قدام بتكعبل وارجع تاني كان خيبة الامل تملي ملازماني والحظ مصاحب كل الناس وجه عندي وفارق والفرح ليه مقاس دورت على مقاسي وسط الناس ما لقيت قلت اسمع للناس واخد منهم نصائح يمكن بالوقت تفيد سمعت كلامهم لحد ما بقيت طور في ساقيه مربوط وقلولي دا المفروض لما تحلم احلم على قد ايديك وما تعلاش بسقف طموحك لبعيد سمعت الكلام لحد ما بقيت زيهم بالوقت مكسور ……..
لكن مع الوقت عرفت حكمة ربك عملت كل ده ليه ان اللي بيجي عليك وبيجرحك بي كلام علشان تمشي لقدام فده خايف عليك زمان قالو حكمه يا بخت من بكاني وبكى عليا ولا ضحكني فضحك الناس عليا اللي بيطبطب عليك بيجرك في طريقه اعرف انه عليك مش باقي انما اللي بيقسى عليك علشان يقويك فده في ظهرك باقي حلمك اللي جواك تقدر تخرجه للنور وتكمل وتمسك فيه انما هتصدق كلام الناس في حلمك ده هيكون وهم وهتصحى تلاقي نفسك مداس عليك…..
ده جزء من قصيده كاتبها اسماء الحلم
